తెలంగాణ చీఫ్ బ్యూరో (కొండపర్తి ప్రసన్నకుమార్) : తెలంగాణ ప్రభుత్వం బతుకమ్మ పండుగ పురస్కరించుకుని తెలంగాణ రాష్ట్రవ్యాప్తంగా 1.05 కోట్ల మంది మహిళలకు 'ఇందిరా మహిళా శక్తి' చీరలను పంపిణీ చేసేందుకు సన్నాహాలు చేస్తోంది. సిరిసిల్లతో పాటు పలు ప్రాంతాల్లో నేతన్నలు ఈ చీరల తయారీని వేగంగా పూర్తి చేస్తున్నారు. ఈసారి ఈ చీరలు ఆకర్షణీయమైన చిలుక పచ్చ రంగులో అందరికీ అందుబాటులోకి రానున్నాయి. దీంతో ప్రతియేట ప్రభుత్వం ఆడబిడ్డలకు పండగ ఇచ్చే కానుక త్వరలో అందనుంది. దీంతో మహిళలు హర్షం వ్యక్తం చేస్తున్నారు.