టెన్నిస్లో అదనపు ఎస్పీకి స్వర్ణ పథకం కైవసం
ఇ నివాస్ న్యూస్ - తెలంగాణ / చీఫ్ బ్యూరో, కొండపర్తి ప్రసన్నకుమార్ : సైబరాబాద్ పోలీస్ కమిషనరేట్ వేదికగా జరుగుతున్న 4వ తెలంగాణ రాష్ట్ర పోలీస్ స్పోర్ట్స్ మీట్లో నారాయణపేట జిల్లా అదనపు ఎస్పీ.ఎండి. రియాజ్ హూల్ హక్ విశిష్ట ప్రతిభ కనబరిచి స్వర్ణ పతకాన్ని కైవసం చేసుకున్నారు. 55 ఏళ్ల గెజిటెడ్ అధికారుల లాన్ టెన్నిస్ విభాగంలో అదనపు ఎస్పీ ఎండి రియాజ్ హూల్ హక్ అద్భుత ప్రదర్శనతో ప్రత్యర్థులను సమర్థవంతంగా ఎదుర్కొని ప్రథమ స్థానంలో నిలిచారు. టెన్నిస్ కోర్టులో ఆయన చూపిన పదునైన ఆటతీరు, చురుకుదనం అమోఘం అన్నారు. ఈ సందర్భంగా సైబరాబాద్ సీపీ మస్తీపురం రమేష్ స్వర్ణ పథకం అందజేశారు. జోగులాంబ జోన్కు ప్రాతినిధ్యం వహిస్తూ నారాయణపేట జిల్లాకు స్వర్ణ పతకాన్ని సాధించిన అదనపు ఎస్పీని జిల్లా ఎస్పీ డాక్టర్ వినీత్ ప్రత్యేకంగా అభినందించి శుభాకాంక్షలు తెలిపారు. క్రీడా రంగంలో పోలీస్ అధికారులు రాణించడం జిల్లా పోలీస్ విభాగానికి గర్వకారణమని పేర్కొన్నారు.
Admin
E Nivas News
మరిన్ని వార్తలు
Developed By :
